Атырауда жолаушылар автобусы мен жүк көлігі соғысып, 12 адам зардап шекті, деп хабаралайды OINET.KZ сайтының тілшісі inform.kz сайтына сілтеме жасап.

«Жол-көлік оқиғасы бүгін 11:35-те Нұрсая шағын ауданында болды. Машруттың автобус ЗИЛ жүк көлігімен соқтығысты. Зардап шеккендер бар. Жедел-тергеу тобы жол-көлік оқиғасының мән-жайын анықтап жатыр», - деп хабарлады облыстық ПД баспасөз қызметі.

Әлеуметтік желілерде хабарланғадай, оқиға орнында 5 жедел-жәрдем бригадасы жұмыс істеген.

Өңірлік баспасөз қызметінің хабарлауынша, апат салдарынан 12 адам зардап шекті. Олардың 8-і – ересек жолаушы және 4-уі – бала. Барлығы ауруханаға жеткізілген.