Бала ұрды деп айыпталған мұғалімге қатысты әкімшілік іс қозғалды, деп хабарлайды alau.kz.

Осыған дейін, Қостанай қаласының тұрғыны №6 орта мектептің бесінші сыныбында оқитын қызына мұғалімі қол көтерді деп шағымданған. Әйел құқық қорғау органдарына жүгінген болатын. 

"Мен директормен осы мәселе бойынша сөйлескенмін, ол маған сенген жоқ. Бұл педагогтың 14 жыл еңбек өтілі бар екенін, бірақ бұл сыныпқа сабақ өтпегенін айтты. Директорға қыздың сыныптастары шақырылды, олар мұғалім қол көтергенін растады.  Мен полицияға өтініш жазамын"

Бұл факт Қостанай қалалық полиция бөлімінде тіркелген.

Облыстық полиция департаментінің баспасөз қызметінің хабарлауынша мұғалімге қатысты ҚР ҚК 73-бабы «Денеге зиян келтіру» бойынша әкімшілік іс қозғалды.