Мерей Заманбекқызы анасына алғысын айтып, ризашылығын білдірді. Қызы халық алдында анасына деген ықыласын көрсетті.  Бұл аяулы сәт көптің жүрегін елжіретті.

“Анашым, мен сені өте қатты сүйемін. Сен менің ең жақынымсың. Әрқашан мені қолдап келдің. Маған ақылыңды айтып келдің. Менің жанымда болғаның үшін, қолдағаның үшін алғыс айтамын. Сендей анам барына ризамын. Сені жақсы көремін”, – дейді Мерей. 

Бұған дейін Мерей мен Мақпал Жүнісованың арасындағы отбасылық мәселе көпшілікке мәлім болды. Қызым менен кетті деген халық әртісі кейіннен халық алдында мән-жайды түсіндірді. Мерейдің туған қызы емес екенін ашық айтып, алайда қазір бірге екенін мәлім етті.