«Президент диванда жатып сыртынан ғайбаттайтын зат емес» - Балғынбек Имашев

Oinet.kz 01-12-2020 1427

Белгілі айтыскер Балғынбек Имашев Елбасыны Тұңғыш Президент күні мерекесімен құттықтады.  Бұл туралы ол Instagram парақшасында жазба арнады. 

image.png

Ол өз сөзінде, билікті жамандап, жақсы мен жаманды айыра алмайтын кей адамдарды өткір сынға алды. 

- Қазір билікті жамандасаң батыр, ымыраға, сабырға шақырсаң сектант, жақсылықты айтсаң жағымпаз, Мемлекетшіл болсаң "нұрбот" деп айдар тағатын, "екі ұртының бірі май, бірі қан боп, жақсы менен жаманды айыра алмау" былай тұрсын, жақсыға күйе жаққан, жаманды жоғары шығарған, ұятсыздықты "өркениет", ар сақтағанды "адасушы" деп айыптаған ақырзаман алдындағы аласапыран кезең ғой.

Билігі әлсіз, бишікеші арсыз, халқы қамсыз, идеалогиясы нәрсіз, тілі дәмсіз, діні мәнсіз, ділі жансыз біздің жағдайымыз қандай аянышты?

Енді, қайтіп ел боламыз? Шынымен құздан құлауға жақын қалдық па?

Жоқ! Ел боламыз! Үмітсіз - шайтан!

Қиын, әрине! Бірақ, қолға алсақ, бәрі болады!

1. Аллаға ғана құл боламыз! Ақшаға, атаққа, араққа, шайтанға, нәпсіге емес! Күнәмізға өкініп, шынайы тәубә жасаймыз, және Аллаға серік қоспаймыз!

2. Пайғамбарға үмбет боламыз! Бұйырғанын алып, тыйғанын тастаймыз. Сүннетін жаңғыртамыз, бидағаттан аулақ боламыз.

3. Ата-аналарымыздың разылығын іздейміз. Жұмсақ сөйлейміз, ренжітпей, қас-қабағына қарап, ақылдаса отырып, солардың ақ батасымен ғана іс қыламыз.

4. Басшыға бағынамыз. Патшаны жамандамаймыз. Бұйрығын орындап, әр ісіне жәрдемші боламыз. Хақымыз кетсе, адамнан емес Алладан сұраймыз!

5. Жұбайларымыз бен балаларымыздың хақын беріп, туған-туыстармен араласып, көрші-қолаңмен сыйласып, барлық адамдармер көркем мәміледе боламыз!

Ең ауыры, осы бесінші шарт. Алдыңғылары да оңай емес!

Бірақ!!! Осыны жасамай, ешкімді жамандауға хақымыз жоқ.

Тұңғыш Елбасымыздың күні құтты болсын! Президент сыртынан ғайбат айтып, диванда жатып ап боқтайтын зат емес!

Ту, Елтаңба, Әнұран секілді Мемлекеттің Рәмізі, Елдіктің нышаны!

Алла Алашымыздың болашағын Бақытты, келешегін Кемел етсін! - деді Балғынбек Имашев. 

«Марадона жоқшылықта өмір сүрді» - журналист
Танымал журналист Косаревтың адалдығын жоғары бағалады
Сәйкес тақырыптар
Көтерілу