10 қаңтарда өтетін Мәжіліс сайлауына 6 саяси партия қатысады. Дәлірегі саяси додада алты партияның бақ сынауына құқығы бар.    Бұл туралы Орталық сайлау комиссиясының мүшесі Асылбек Смағұлов мәлім етті. 

-Оларды қайта құруға немесе таратуға уәкілетті органдар тарапынан құқықтық негіздер жоқ. Демек, Парламент Мәжілісі депутаттарының сайлауына осы тіркелген саяси партияның барлығы жіберіледі. Оларды сайлауға жіберуден бас тартуға құқықтық негіздер жоқ, - деді А.Смағұлов. 

Сайлауға қатысуға мүмкіндігі бар алты партия мыналар:

"Ақ жол" Қазақстанның демократиялық партиясы" қоғамдық бірлестігі; 

"Ауыл" халықтық-демократиялық патриоттық партиясы" қоғамдық бірлестігі; 

"Бірлік" саяси партиясы" қоғамдық бірлестігі;

 "Жалпыұлттық социал-демократиялық партиясы" республикалық қоғамдық бірлестігі; 

"Қазақстанның коммунистік халық партиясы" қоғамдық бірлестігі; 

"Nur Otan" партиясы қоғамдық бірлестігі.