Қазақ терминологиясының мазмұны мен құрылымы

Oinet.kz 29-04-2020 746

2020 жылғы 30-сәуір күні сағат 17.00-де termincom.kz сайтының youtube каналында «Қазақ терминологиясының мазмұны мен құрылымы» электрондық алаңының техникалық мүмкіндіктерін жетілдіру» тақырыбында онлайн-семинар өтеді. 

2018 жылы termincom.kz сайтында «Қазақ терминологиясының мазмұны мен құрылымы» атты электрондық алаң ашылды. Электрондық алаң сала мамандары мен көпшілік арасындағы қарым-қатынасты қамтамасыз ететін ұйымдастырушылық, ақпараттық және техникалық шешімдердің бағдарламалық-ақпараттық кешенін орнату және оны жетілдіру мақсатында құрылған. 

Онлайн-семинарда «Қазақ терминологиясының мазмұны мен құрылымы» электрондық алаңының техникалық мүмкіндіктерін жетілдіру жолдары бойынша ой қозғалатын болады. 

Онлайн-семинарға электрондық алаңның тұрақты қолданушылары ҚР Үкіметінің жанындағы Республикалық терминология комиссиясының мүшесі, м.ғ.к. Мұхамбедия Ахметов, «Қазақы терминдерді халық жасайды» республикалық онлайн-байқауының жеңімпазы Серік Ерғали, ІТ саласының мамандары Сымбат Әбдіқұл және Бейбітжан Худабай  қатысады. 

«Қазақ терминологиясының мазмұны мен құрылымы» электрондық алаңына қатысты сұрақтарыңызды termincom.kz сайтының youtube каналы арқылы қойып, пікірлеріңізбен бөлісе аласыздар. 

Латын графикасына көшіру бойынша ғалымдардың дәрістері жалғасуда
Қазақстанда коронавирустың екінші толқыны қашан болатындығы айтылды
Сәйкес тақырыптар
Көтерілу