Коронавирус инфекциясын жұқтырған 2 жасар алматылық қыз баланың анасынан да осы ауру табылды, деп хабарлайды zakon.kz порталына сілтеме берген Oinet.kz. 

Бұл туралы Алматы қалалық Қоғамдық денсаулық сақтау басқармасының бастығы Тілеухан Әбілдаев мәлімдеді.

Оның айтуынша, 18 наурыздағы жағдайға сай, Алматыда коронавирустық инфекцияның 17 расталған жағдайы тіркелген.

Қалалық жұқпалы аурулар ауруханасында 14 науқас жатыр, балалар жұқпалы аурулар ауруханасында екі бала және бір баланың анасы жатыр.