Елбасы Нұрсұлтан Назарбаев Бейжіңде қырыққа жуық ел басшылары мен премьер-министрлердің қатысуымен өтіп жатқан "Бір белдеу, бір жол" форумына қатысуда. Қазақстанның Тұңғыш президентіне ерекше құрмет көрсетілді деп хабарлайды Ақорда. 

Назарбаевты ҚХР басшысы Си Цзиньпиннің өзі күтіп алды. Олар бірге қызыл кілемнің үстімен жүріп өтіп, "Яньци ху" халықаралық орталығына беттеді. Артынша көпшіліктің алдында, баспасөз қабырғасының маңында, бір-бірімен қол алысты.

Ортақ суретке түсу кезінде де Назарбаев ондаған көшбасшылар ортасында, алдыңғы қатардан көрінді.