Шымкенттің экс әкімі бюджеттен 568 710 теңге үнемдеген

Ғабидолла.jpg

Қалалық автобустың пайдасына қызметтік көліктен бас тартқан Шымкенттің бұрынғы әкімі Ғабидолла Әбдірахымов бюджеттен 568 710 теңге үнемдеген. Бұл туралы BaigeNews.kz сайтына сілтеме жасаған Oinet.kz хабарлайды.

Әбдірахымов 2017 жылы қала басшысы қызметінде жүргенде бір ай бойы өзі мен қарамағындағыларға қызметтік көлікті пайдалануға тыйым салды.

Оның орнына экс-әкім қоғамдық көлікке мінуді, үнемделген ақшаны орта және қатарғы буындағы қызметкерлерге сыйақы ретінде беруді тапсырды. Кейіннен қала тұрғындары бұрынғы әкімнің адамға лық толы автобусқа мінгеніне куәгер болды.

Содан бері екі жыл өтіп, шаһар басшысы ауысқанымен, қала тұрғындары Әбдірахымовтың акциясын ұмытқан жоқ.

Шымкенттің жаңа басшысы Ерлан Айтахановтың блогында Дастан Исламбек есімді азамат қызметтік көліктен бас тарту нәтижесінде қанша ақша үнемделгенін сұрады.

"2017 жылы Шымкент әкімі өз қарамағындағыларға бір ай бойы қызметтік көліктен бас тартып, жұмысқа қоғамдық көлікпен келуді тапсырды. Акцияның мақсаты қоғамдық көлік жұмысындағы кемшіліктер мен құқықбұзушылықтарды анықтау мен жою болды. Қызметкерлер қызметтік көлікті пайдаланбаған уақытта 568 710 теңге үнемделді", - деп жауап берді Айтаханов.

Айта кетейік, Ғабидолла Әбдірахымов Шымкент әкімі қызметінен осы жылдың 30 шілдесінде босатылды.

Президент әкімшілігінің экс-басшысы Қрымбек Көшербаев оның "саяси сенімді ақтамағанын" айтты.

Ал қыркүйек айында Ғабидолла Әбдірахымов премьер-министрдің кеңесшісі болып тағайындалды.

Мүмкін сізді қызықтыратын тақырыптар:

  • Назарбаев: «Менің биліктен бас тартуымды халық күйзеліспен қабылдады»
  • Назарбаев мәжілісте сөйлеп жатқанда қызық жағдай орын алды
  • Ахметбек Нұрсила: «Баспана сұрайтындардың деңгейі суырдан да төмен» (видео)
  • Құралай Заманбекқызы: «Әкемнен көмек сұрамай ыдыс жуып өз күнімді өзім көрдім»
  • Рүстем Әбдраштың ұлы дүниеден өтті
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика