Жол құрылысы қашанда маңызды. Жол – күретамыр. Президент Жолдауында елімізде көлік транзитін дамытуға басымдық бергені белгілі. Бүгінде автожол құрылысына, соның ішінде жергілікті жолдардың сапасына, қыс айларында күтіп-ұсталуына баса мән берілуде. 

«Көлік-логистика секторын дамыту – стратегиялық мәні айрықша басымдық. Еліміз Еуразия құрлығының дәл ортасында орналасқан. Бұл – бізге әлемдік бәсекеде зор мүмкіндік беретін артықшылық. Сондықтан көлік инфрақұрылымына салынып жатқан әрбір инвестиция өзін-өзі ақтайтыны сөзсіз. Біз кейінгі ұрпаққа жоғары сапалы авто және теміржолдарды қалдыруымыз керек. Сондай-ақ тиімді жұмыс істейтін әуе хабтарын, теміржол бекеттері мен теңіз порттарын салуымыз қажет. Бұл ретте бірқатар кешенді мәселені шешкен жөн», - дейді Президент.

Бүгінгі күні Қазығұрт ауданы аумағындағы республикалық, облыстық, аудандық маңызы бар жолдар мен елді мекендердегі ішкі көшелерді, саябақтар мен қоғамдық орындарды, мекеме аулаларын қардан тазарту жұмысы тоқтаусыз, тәулік бойы жүргізілуде. Қазығұрт ауданының әкімі Азизхан Исмаиловтың айтуынша, жауапты мамандар мен коммуналдық сала қызметкерлері жолға инертті материалдар себу жұмыстарын қарқынды жүргізуде. 

- Бүгінгі таңда, тиісті уәкілетті мемлекеттік органдармен бірлесіп 2024-2025 жылдарға «Облыстық, аудандық және елді мекендердің автомобиль жолдарында қозғалыстың шектелуі кезіндегі өзара іс-қимыл бойынша Жол картасы» әзірленіп, бекітілді. Бұл жол картасы аясында автожолдарды қысқы күтіп ұстау үшін мердігер мекемелерді анықтай отырып, қажетті инертті материалдар қорын жоспарға сәйкес толық әзірлеу, өндірістік базалары мен бокстарды, жол техникаларын қыс мезгіліне дайындау жұмыстарын жүргізілді. Сонымен қатар, жол қозғалысы қауіпсіздігін қамтамасыз ету мақсатында аса қажетті жол телімдеріне, тау асулары мен өрлерге, қарқынды қозғалысты қиылыстарға, теміржол өтпелері мен аялдамаларға тайғақтыққа қарсы материалдарды алдын ала жеткізілді. Сондай-ақ қыс айларында қолайсыз ауа-райы салдарынан автожолдарда төтенше жағдайлардың орын алуының алдын алу және жедел шаралар қабылдау мақсатында, мердігер ұйымдармен қысқы күтіп ұстауға қосалқы техникаларды тарту бойынша ниет ету келісім-шарттарын жасалды. Тапсырыс беруші және мердігер ұйымдар тарапынан тәулік бойы кезекшіліктікті ұйымдастыру шаралары жүргізілуде, - дейді аудан әкімі. 

Аудандағы қар басып, тұрғындарды әбігерге салған жағдайды тұрақтандыру үшін 32 техника, оның ішінде 14 трактор, 4 автобус, 1 грейдер, 11 Камаз және арнайы қар тазалағыш техникалар жұмылдырылған.

Мемлекет басшысы Қасым-Жомарт Тоқаевтың тапсырмасын орындауға байланысты Үкіметтің қаулысымен бекітілген «Қазақстан Республикасының көлік-логистикалық әлеуетін дамытудың 2030 жылға дейінгі тұжырымдамасының» да тиімді жүзеге асырылуы Қазығұрт өңірі жолдарының жақсаруына ықпал етуде. Тұжырымдамада атап көрсетілген міндеттердің уақытылы іске асырылуы жолдардың сапалы болуымен қатар, көлік қатынасының жақсаруына, тауар айналымының артуына және еңбек ресурстарының мобильділігіне ықпал етіп келеді. Қазіргі таңда осы бағытта жүргізіліп жатқан жұмыстар жолдың сапасына қолжетімділікті, қауіпсіз және инклюзивті ұтқырлықты қамтамасыз ете отырып, еліміздің бәсекеге қабілеттілігін нығайтуға мүмкіндік беруде. Соның арқасында Қазақстан аумағы бүгінде транзиттік хабқа айналып келеді. Бұл өз кезегінде экономиканың барлық секторларындағы белсенділіктің артуына жол ашуда. Жол сапасының жақсаруы халықтың тәуір тұрмыс кешуі мен олардың қауіпсіздігіне де оң әсерін тигізіп отыр.

- Мемлекет басшысы Қасым-Жомарт Тоқаев халыққа арнаған Жолдауында автокөлік жолдарының жай-күйі – өзекті мәселе екеніне ерекше тоқталды. «Биыл елімізде 12 мың шақырымға жуық жол салынып, жөнделіп жатыр. Қазақстанда мұндай ауқымды жұмыс бұрын-соңды болмаған. Астана-Алматы, Ақтөбе-Атырау-Астрахань, Талдықорған-Өскемен бағытындағы күре жолдарды қайта жаңғырту жұмыстары аяқталып қалды. 2,5 мың шақырымға созылатын облысаралық және ауданаралық жолдарды орта деңгейде жөндеуге арналған бағдарламаның мән-маңызы зор. Дәл осы жолдармен жұрт өте жиі жүреді. Сондықтан бағдарламаның ауқымын кеңейтіп, оған кемінде 10 мың шақырым жолды қамтуды тапсырамын» деген болатын Президент. Бүгінгі таңда ауданда жөнделіп қабылданған жолдардың құрылыс сапасы – басты назарда. Бүгінгі таңда, сол жолдар аудан көлеміндегі басқа жолдармен қатар қысқы күтіп ұсталуда. Жолға себуге қажетті құм, тұз жеткілікті дайындалды. Сондай-ақ қажеттілікке байланысты жол құрылысына бекітілген компаниялар автогрейдер мен қар тиегішті жалға алу үшін бірқатар жауапкершілігі шектеулі серіктестіктерімен келісім-шарт жасалған. Сондай-ақ, қар тазалау бригадалары тәулік бойы 2 ауысымды кестемен жұмыс атқаруға дайын. Сондай-ақ, елді мекендерде ауыз су, электр желісі, газ саласы бойынша туындаған мәселелерді дер кезінде шешу мақсатында тиісті жұмыстар атқарылуда. Жалпы алдағы уақытта аталған бағыттағы жұмыстар аудан көлемінде өз жалғасын табады, - дейді Қазығұрт ауданының әкімі Азизхан Исмаилов.