Мемлекет басшысы Қасым-Жомарт Тоқаев Әділетті Қазақстан: заң мен тәртіп, экономикалық өрлеу, қоғамдық оптимизм» атты Жолдауында Туризм жобаларын жүзеге асырғанда табиғатқа зиян келтірмей, экологияны сақтау барынша маңызды екенін ерекше атап өтті. 

Ал мұның алдындағы «Жаңа жағдайдағы Қазақстан: іс-қимыл кезеңі» атты Жолдауында «Қоршаған ортаны қорғау және экологиялық даму – еліміз үшін алдыңғы кезекте тұрған мәселе. Бүкіл өркениетті әлем жұртшылығы осы мәселемен айналысуда. Бізге де мұндай жаппай үрдістен шет қалуға болмайды», деп атап көрсеткен еді. Президент сондай-ақ бес жыл ішінде орман алқабында 2 миллиард, елді мекендерде 15 миллион ағаш көшеттерін отырғызу тапсырмасы өңірде кезең-кезеңмен жүзеге асырылуда.  

ҚР ҰЭМ Табиғи монополияларды реттеу комитетінің Түркістан облысы бойынша департамент басшысы Думан Қалибековтың айтуынша, өңірде жыл сайын мемлекеттік орман қоры аумағындағы 5000 гектар жерге орман ағаштары көшеттен және тұқымнан өсірілуде. Жалпы соңғы кездері тал отырғызу дәстүрі еліміздің түкпір-түкпірінде қолға алынып, тиянақты мән берілуде. Мұның өзі қоғамға пайдасы зор игі бастама. Бұл бағытта көптеген жобалар қолға алынып, жоспарлы жұмыстар атқарылуда.  Экологиялық және биологиялық әркелкілікті сақтауда табиғаты көркем Түркістан облысында да атқарылып жатқан жұмыстар аз емес. 

- Өңірімізде соңғы кездері ағаш отырғызу дәстүрі еліміздің түкпір-түкпірінде қолға алынып, тиянақты мән берілуде. Мұның өзі қоғамға пайдасы зор игі бастама. Осы қағиданы ұстанған облыс жұртшылығы осы игі бастаманы жалғастырып, өз үлесін қосып келеді.  Дана халқымыздың «Бір тал кессең – он тал ек», «Артыңда мал қалғанша, тал қалсын» деген қағидалары тал егудің адамзат тіршілігі үшін аса бір маңызды, қажетті іс екендігінің дәлелі. Облысымыздың құмды алқаптарының басым бөлігінде сексеуіл ағашы өседі. Мұндай ормандардың ерекшелігі-олар құмдардың басталуын тежейді, топырақты жел эрозиясынан қорғайды, шаңды дауылдарды кешіктіреді, тұзды батпақтардың қозғалысын тежейді және экологиялық тепе-теңдікті сақтайды. Тек бір сексеуіл бұтасы 4 тонна көшкінді тоқтатып, 10 шаршы метр құмды ұстайды. Осылайша, бұл қарапайым көрінетін бұта шөлейттенудің алдын алады. 

«Облысымызда 2021-2027 жылдарға арналған орман өсіру көлемін ұлғайтудың кешенді жоспарына сәйкес, орман қоры аумағында 143 миллион дана ағаш отырғызу жоспарлануда. Мәселен, 2021-2023 жылдары 67,2 милион ағаш отырғызылды. Осы жоспарды орындауға орман шаруашылығы  мекемелерінің қызметкерлері орман молықтыру іс-шараларын орындау барысында стандартты көшет өсіру мақсатында барлық мемлекеттік орман қоры жерлерінен ағаш тұқымдарын жинап, оны зерттеуге жіберіп, уақытша тұқымбақтарда  өз күшімен өсіріп, орманды молықтыруға жұмыстарында едәуір қызмет атқаруда. Облысы әкімдігінің табиғи ресурстар және табиғат пайдалануды реттеу басқармасына қарасты барлық орман шаруашылығы мекемелері өздерін тұқымбақтарында өсірілетін көшеттермен, оларды себетін тұқымдармен, барлық іс-шараны орындайтын техникамен толықтай қамтамасыз ете алады.  Мәселен, биыл миллионға жуық көшет отырғызылды», дейді департамент басшысы.

Орман шаруашылығы мекемелерінің өртке қарсы материалдық-техникалық базасын жақсарту мақсатында соңғы жылдары қомақты қаржы бөлініп, тиісті техника мен жабдықтар алынды. Биыл да материалдық-техникалық базаны толықтыру мақсатында жергілікті бюджеттен қаражат қарастырылып, өртке қарсы техника, патрулдік автокөліктер мен агрегаттар сатып алынған. Соңғы 4 жылда орман шаруашылығы мекемелерінің материалдық-техникалық базасы әжептәуір жақсарған.