Президентіміз Қасым-Жомарт Тоқаев «Әділетті Қазақстан: заң мен тәртіп, экономикалық өрлеу, қоғамдық оптимизм» атты Жолдауында медицина саласының дамуына ерекше көңіл бөліп келеді.

Шынын айту керек, соңғы жылдары медицина саласында жеткен жетістік те, табыс та мол. Барлық дерлік облыстағы медициналық пункттер мен дәрігерлік амбулаториялар жаңартылды. Ауруханалар мен емханалар қатары да көбейе түскен. Мәселен, Түркістан облысында 2024 жылы «Ауылда денсаулық сақтауды жаңғырту» ұлттық пилоттық жобасы аясында 49 медициналық-санитариялық алғашқы көмек нысандарының құрылысы жүргізілді. Ал Төлеби ауданында ұлттық жоба негізінде 5 медициналық нысан салу жоспарланған. 

Аудан әкімі Еркеғали Әлімқұловтың айтуынша, Төлеби ауданының Жаңажол, Диханкөл және Зертас ауылындағы фельдшерлік-акушерлік бекеттің құрылысы аяқталып, пайдалануға берілген. 

Мемлекет басшысы Қасым-Жомарт Тоқаевтың Жолдауы – халықтың ойымен үндескен Жолдау болды. Мұнда көп өзгешелік бар. Жақсы ойлар, ел күткен өзгерістер айтылды. Соның қатарында медицина саласына да назар аударылып отыр. Жалпы кез келген мемлекет ел азаматтарының денсаулығын сақтауды, әл-ауқатын арттыруды бірінші кезекке қояды. Бұл ретте Президентіміз Қасым-Жомарт Тоқаевтың алдымызға қойған міндеттеріне сәйкес аурудың алдын алуға, медициналық қызметтің қолжетімді әрі сапалы болуын қамтамасыз етуге барлық жағдай жасалуда. 

Бүгінгі күні жаңа 3 елді мекенде ашылған фельдшерлік-акушерлік бекетте білікті кадрлармен ғана емес, сонымен қатар заманауи медициналық құралдармен жабдықталған. Жаңа медициналық нысандар елге көмек көрсетуге толығымен дайын, - дейді аудан басшысы. 

Атап өтерлігі ауданда 2 аурухана, 5 дәрігерлік емхана, 5 бастапқы медициналық-санитариялық көмек көрсету орталығы, Ленгір қалалық емханасы, қалалық тіс емханасы сонымен бірге, 51 медициналық пункт халыққа қызмет көрсетеді. 

-Халықтың әлеуметтік жағдайын арттыру Мемлекет басшысы Қасым-Жомарт Тоқаевтың халыққа арнаған Жолдауының басты бағыттарының бірі. Президентіміз өткен Жолдауында «Біз «Азамат – бизнес – мемлекет» арасындағы қатынасты түбегейлі өзгертеміз. Мемлекет, ең алдымен, бәріне бірдей мүмкіндік беріп, әділдік орнатады. Қоғам игілігіне арналған қызмет деңгейі жоғары болуына кепілдік береді. Әлеуметтік жағынан әлсіз топтағы азаматтарға қолдау көрсетеміз. Мүмкіндігі шектеулі жандарға да көмектесеміз», деп атап өтті. денсаулық саласында бұл бағытта атқарылып жатқан жұмыс көп. Осы үш елдімекенде пайдалануға берілген нысандардың жұмысымен арнайы келіп танысқан Түркістан облысы әкімінің орынбасары Нұралхан Көшеров, Түркістан облыстық денсаулық сақтау басқармасының басшысы Асхан Байдуәлиев мұндағы ғимараттың жабдықталуы мен медицина қызметкерлерінің жұмысына жоғары баға берді. Әрі аудан халқын қуанышымен құттықтап, бұл нысандар ауыл тұрғындарының өмір сүру сапасын едәуір арттыруға және азаматтарымыздың денсаулығын жақсартуға мүмкіндік берілгенін үлкен қолдау екенін жеткізіп табыс тіледі. Бұл нысандар бұдан былай да ел игілігі үшін жұмыс істейтініне сенімдімін, - дейді аудан әкімі Еркеғали Әлімқұлов.