Денсаулық – зор байлық. Мемлекет басшысы Қасым-Жомарт Тоқаев Әділетті мемлекет. Біртұтас ұлт. Берекелі қоғам» атты Жолдауында денсаулық саласына айрықша басымдық беріп отыр.

«Ұлт саулығы жақсы болса ғана, қоғам орнықты дамиды» дейді Президент. Еліміздің басты құндылығы – адам. Бұл – айқын нәрсе. Сондықтан сырқаттармен жұмыс істерде, алдымен аурудың ерте сатысында анықтау маңызды. Сол үшін де елімізде, соның ішінде Түркістан облысындағы медициналық пункттер мен дәрігерлік амбулаториялар жаңартылды. Ауруханалар мен емханалар қатары да көбейе түскен. Соның бірі Ордабасы ауданы Қарабастау елді мекенінде орналасқан фельдшерлік акушерлік бекеті халықтың денсаулығын арттыруға өз септігін тигізуде. 

Жаңа ашылған фельдшерлік акушерлік бекеті Қарабастау елді мекенінде тұратын 1025 адамға дәрігерлік көмек көрсетеді. Мұндағы тұрғындардың 551-і ересектер болса, 196-ы босану жасындағы әйелдер, 1жас аралығында - 22, ал 0-14 жас аралығында 417, сондай-ақ 15-17 жас аралығында 57 жасөспірімдері бар. 

- Президентіміз Қасым-Жомарт Тоқаевтың алдымызға қойған міндеттеріне сәйкес аурудың алдын алуға, медициналық қызметтің қолжетімді әрі сапалы болуын қамтамасыз етуге барлық жағдай жасалуда. Жолдауда медицина саласының дамуына ерекше көңіл бөліп келеді. Шынын айту керек, соңғы жылдары медицина саласында жеткен жетістік те, табыс та мол. Түркістан облысындағы медициналық пункттер мен дәрігерлік амбулаториялар жаңартылды. Ауруханалар мен емханалар қатары да көбейе түскен. Ал заманауи құрал-жабдықтармен жабдықталмаған бірде-бір медициналық нысан жоқтың қасы. Бір атап өтерлігі Президентіміз: «Ұлт саулығын нығайту үшін кешенді шараларды қолға алып, халықты әлеуметтік қолдау жүйесін жаңғырту керек. Міндетті әлеуметтік медициналық сақтандыру жүйесінің енгізілуі денсаулық сақтау саласына қосымша ресурстар әкеліп, жеке меншік медицинаға зор пайдасын тигізді» деп атап өтті Жолдауда. Ал Қарабастау елді мекеніндегі фельдшерлік акушерлік бекеті қазіргі заманауи үлгіге сай фильтр, әйелдер бөлмесі, егу бөлмесі, емшара бөлмесі, қабылдау бөлмері заман талабына сай жабдықталған, - дейді Түркістан облыстық денсаулық сақтау басқармасының басшысы Асхан Байдуалиев. 

Ауыл тұрғындары ем іздеп аудан орталығына бармай дертіне шипаны Қарабастау-2 фельдшерлік-акушерлік бекетінен табатын болды. Аталған нысанның құрылысы 2024 жылы басталған. Президентіміздің Жолдауда айтқанындай, әрбір ел азаматы медициналық көмек алуға, аурудың алдын алуына мүмкіндігі бар. Егер тексерілемін деген азаматтарға барлық медициналық мекемелердің есігі ашық.