Танымал әзілкеш Нұрболхан Шарапов қызды болды, деп хабарлайды Oinet.kz. Қуанышын көпшілікке жеткізуге асыққан әнші бұл туралы Instagram парақшасында жариялады. 

- Әке атандым! Бөлек сезiм екен.Бiрiншi рет әке атанғаннан кейiн "ендi не iстеу керек?" деп сұрай бередi екенсiң. Опшым былай ғо, келiншегiмнiң туған күнi 26 қыркүйек. Врачтар да 26 күнi босанып қаласың дептi. Бiрақ, адамның дегенi емес, Аллаһтың дегенi болады ғой. Дегенмен, 26 күнi роддомға апардым. Бiрақ, 27 қыркүйек күнi таңғы 3:05 кеткенде босанды. Бойы - 51 см, салмағы - 3 кг болды. Шүкiр, денсаулығы жақсы екеуiнiң де. Анам да сезгендей Алматыға уақытылы келдi. Анашым, қош келдiңiз! Немереңiздiң бауы берiк болсын. Көз қуанышымыз болып, саналы, салихалы, инабатты, Аллаһтың сүйген құлдарының қатарынан болсын. Ендi, қызымызға есiм қою мәселесi. Ұзақ ойланып, iзденiп "АЙЛИН" деген есiмге тоқталдық. Түнде босанды ғой, Айдың жарығында дүние келген соң осы есiмге тоқталдық. Мағынасын ақтарып қарасақ "Айдың нұры" екен.  Барша құттықтап жатқан жақын ата-анам, туыстарыма, бауырларыма, достарыма, барша Қазақ елiне мың алғыс! - деді әзілкеш қуанышын жасырмай.

Посмотреть эту публикацию в Instagram