Бүгінде хат-хабар алмасу әлеуметтік желілер арқылы мүмкін болса ертеректе «смс-шінің» рөлін құстар атқарған. Дүние қанша жаңарса да хат тасушы кептерлер әлі де сұраныстан қалмай келеді. Әлемдегі ең қымбат кептер, яғни хат тасушы кептер  аукциондардың бірінде 330 мың долларға сатылған. «Долче Вита» деген есіммен танылған құсты рекордтық қаражатқа қытайлық азамат сатып алыпты. Бағалы кептер көптеген жарыстарда чемпион атанған. Кептерлер жарысы Ұлыбритания, Белгия, Голландия, Германия, Қытай секілді мемлекеттерде мәдениетті спорттың түріне жатады.