Ол қымбат көзілдірік тағады.

Әйелдер қауымы көзілдірік таққанды ұнататыны белгілі. Тек не себеппен? Сұлулық? Эстетика? Не тері күтімі үшін бе? Француз әйелдері соңғы себеппен тағады. Және көзілдіріктің неқұрам үлкен әрі сапалы болса, күннен жақсы қорғаныш болып, әжім түсуінің алдын алатынын біледі. Киім-кешекке қарағанда қымбатырақ көзілдірік көбірек пайдалы деп түсінеді. 

Жақсы тоңазытқыш сатып алады.

Неге тоңазытқыш дейсіз ғой. Себебі тоңазытқышпен біздің асқазанымыз байланысты, ал асқазанымыз ол біздің сырт көрінісіміз. Тоңазытқыш көпқалталы, жақсы режимді болуы қажет. Үнемі тоңазытқышты ескі азық-түліктен тазартып отыру қажет. Өйткені бактериялар ескі тағамдарды тез дамып, жайылып кету қауіпі бар.

Сарымсақ жейді.

Сарымсақ ең танымал қоспалардың бірі. Сарымсақты етке де, макаронға да, сорпаға да қосып жеуді француз келіншектері әдетке айналдырған. Сарымсақ қартаю салдарларымен жақсы күреседі және еркін радикалдарға қарсы қалқан ретінде әрекет етеді.

Жаңа піскен сарымсақ жүрек қантамыр ауруларымен күресуге көмектеседі және асқазан мен ішек обырынан қорғауды қамтамасыз етеді. Сарымсақ – сүт безі обырын және қуықасты безі обырының алдын алады.

Сарымсақ иісіне шағымдау қалыпты, бірақ онымен күресу жолдары бар! Тістерді тамақтан кейін тазалаудың қажеті жоқ, кофе дәнін, ақжелкенді немесе жаңа жалбызды алып сүртсеңіз, сарымсақ иісі жойылады. 

Мойын терісіне ерекше күтім жасайды.

Мойын терісіне қажет күтім берілуі қажет. Себебі мойын терісі бет терісіне қарағанда нәзік, сондықтан ол бет терісінен ертерек қартаяды. Француздықтар бет терісімен қоса мойын терісін де күнделікті иісмай жағып күтеді. Және 5 минут уақытын осы мойын терісіне массаж жасауға бөледі екен.

Кешкі асқа не жеу керек екендігін біледі.

Кешкі аста француздықтар өсімдіктер мен жемістер жеуге дағдыланған. Мәселен біз үшін кешкі ас деген орны бөлек екінші тамақ болса, француздықтар үшін ең жеңіл тағам болуға тиіс. Сондықтан да олардың ұйқысы қанық, бет терілері сергек болып, жеңіл оянады.

Суды жақсы көреді.

Француз әйелдерінің суды көп ішетінін білеміз. Және олар таза, минералды суға асқазандарын үйретіп алған. Суды жақсы көру тек су ішумен шектелмейді. 

Француздықтар суға түскенді де ұнатады. Олар тән сұлулығына қатты мән беретіні бәрімізге мәлім. Өз денелерінің сұңғақтығын, нәзіктілігін сақтау үшін үнемі хауыз суына, не үй жағдайында ас содасына, тұзды суға түседі. 

Жастанатын жастықтарына қатты көңіл бөледі.

Бұл әдістері өте қызық. Олар қымбаст жастық тысын сатып алады. Барлық сыртқы факторлар секілді, жастық тысының матасы да бет терісіне әсер ететіндігіне көңіл бөледі. Және тысын күнде ауыстырады екен.

Өздеріне ашуланбайды.

Бұл олар үшін алғашқы орында. Олар өздерін бірінші орынға, қойып жақсы көредіғ, бағалайды, құрметтейді. Себебі өзін-өзі жақсы көрмей, әйел ешқашан сұлу бола алмайды деп есептейді.