Букингем сарайы британ билеуші монархтарының лондондық резиденциясы болып табылады.Қазіргі таңда бұл сарай  әлемдік деңгейдегі саясаткерлерді күтіп алып, айрықша қабылдаулар ұйымдастырылады. Тарихи деректер бойынша сарай орналасқан жерде  XVII ғасырда жібек құрттары өсірілген екен. 

Ресми деректер бойынша сарайда 775 бөлме бар – 19 салтанат залы, ақсүйектер мен қонақтарға арналған 52 жатын бөлме, қызмет көрсетушілерге арналған 188 бөлме, 92 қызмет бөлмесі мен 78 жуыны бөлмесі. Жалпы, ғимарат ұзындығы 108 метр, ені 120 метр, ал биіктігі 24 метр. 1762 жылы король Георг III бұл ғимаратты сатып алады. Ал, 1837 жылы бірнеше рет жасалған модернизация нәтижесінде Букингем-хаус сарайға айналып, біз білетін монарх жанұясының резиденциясы ретінде танылды.