Соңғы уақыттары жүздеген адамның өмірін жалмаған ұшақ апаттары жиілеп кетті. Ең өкініштісі сол әуе апатынан экипаж мүшелері мен  жолаушылардың тірі қалулары некен-саяқ. Осындай жағдайда «неге әр жолаушыға қауіпсіздік үшін парашют берілмейді?» деген сұрақ туындайды. Бірақ,  бәрі біз ойлағандай оңай емес. Парашютпен секіру аса сақтықпен, есеппен орындалатын трюк. Біріншіден парашютші секірерден алдын ұшақ пен жердің ара қашықтығын білуі қажет. Яғни ұшақ пен жердің арасы соншалықты алыс болмауы қажет, сондай-ақ жақын болмауы керек. Ал ұшақ апаттары көбінесе әуеге көтерілерде және жерге қонуға жақын қалғанда апатқа ұшырайды екен. Мұндай жағдайда жолаушылар парашютпен секіре алмайды.