- Егер, меңі оң жақ маңдайында болса, ол адам өзі армандаған бақытқа жетіп, атақ-даңққа бөленеді.

- Керісінше, сол жақ маңдайында болса, онда ол махаббаты баянды болады. 

- Құлақтарында болса, сабырлы, салмақты. Жаны тыныштықты жақсы көреді.

- Иектерінде меңі болса, айналасындағылардың сый-құрметіне бөленгенді мақсат тұтады.

- Көздерінің айналасына бітсе, қызу қанды, ұшқалақ, ой-санасы таяз, ойынпоз келеді.

- Оң жақ бетіндегі мең - сезімге сараң, арманға шабандығын аңғартады.

- Сол жақ бетіндегі мең - сезімге бай, өмірге құштарлықтың белгісі. Бақыт-байлыққа оңай қол жеткізеді.

- Мұрындарының ұшында болса, аңқау, сылбыр, ақкөңіл болғаны. 

- Еріндерінде меңі барлар, негізінен тұйық, бір тоға болғаны. 

- Үстіңгі еріндегі мең - адал, арамдығы жоқ, еңбекқор екенін білдіреді.

- Астыңғы еріндегі мең - махаббатқа қаталдау, суық жүзді келеді.

- Меңі  төске бітсе, өмірден өз сыбағасын алары көп болады.

- Қолдарының білектеріне біткен азаматтар, отбасын, жеке шаруасын барлығынан биік қояды.

- Қолдарында болса, білімге жіті көңіл бөледі.

- Мойынына бітсе, көрер тауқыметі көп болғаны.

- Иықтарының үстінде болса, жұмыс басты, іскер, дегенмен, төккен терінің жемісін аз көретін азамат.

- Жауырындағы мең - сыр жасырмайтын, жан дүниесі таза дегенді білдіреді.

- Аяқтағы меңі үлкен болса, ізін жалғастырар ұрпағы көп болады,- деп халқымыз болжалдап, баға берген.