Фотода Наполеон

Әдетте нәресте  туылған кезінде тісі болмайды. Бұл ананың өз сәбиін емін-еркін емізуіне мүмкіндік береді. Алайда, ғалымдар мынадай жаңалық ашыпты. Дүниеге келетін әрбір 2000 нәрестенің ішіндегі біреуінің бір тісі туылғанында-ақ шығып үлгереді екен. Әлбетте, оны емізу кезінде анасы қатты қиналады. Сондықтан, сәбиді емізуін сирете бастайды. Сүт жетпей, қарны ашқандықтан, нәресте де тым қатты мазасызданып, анасының көңілін өзіне аударуға барынша тырысады. Яғни, ашулы да қатал мінез  адамның бойында кішкентайынан  қалыптаса бастайды. 

Антропологтардың айтуына сенсек, тарихтағы ең белгілі диктаторлар мен императорлардың көпшілігі, оның ішінде Юлий Цезарь, Ганнибал, Наполеон, Муссолини мен Гитлердің туылғанында бір тісі шығып үлгерген көрінеді. Олардың кейіннен диктаторға айналуына осы жайт себеп болса керек.