XIX ғасырда Америкада балаларға арналған тыныштандыратын, ауруды басатын сұйық дәрілер пайда бола бастады. 

Мамандар оның кішкентай пациенттердің денсаулығына зияны жоқ екеніне сендірген. Алайда құтыдағы препаратта 65 миллиграмм морфин бар болып шықты. Ем үшін деп есірткі ішкен балалардың көбісі сол жылдары шетінеп кетті. «Сиқырлы» дәрінің құпиясын алғаш ашқан  New York Times басылым еді. Мақалада шәрбаттың құрамында сульфат, морфин гидрохлориді, хлороформ, кодеин, героин, опиум, гашиштің бары ашық жазылған.