Ұлыбритания мен Ирландия мемлекеттерінде ерікті қоғамдық бірлестіктерді көптеп кездестіруге болады. Оларды жергілікті халық «Blood bikes» деп атайды. Бір қызығы, бірлестікке тек  мотоциклі бар адамдар ғана мүше бола алады. Себебі екі дөңгелекті көлікке мінген еріктілер медицина мамандарына қолғабыс етеді. Яғни олар трансплантация кезінде немесе науқасқа жедел түрде қан құю қажет болғанда донорлық қанды керекті жерге лезде тасымалдап береді. Керемет емес пе? Сауапты іс қой.