Жалпы найзағай атаулының өзі қауіпті, әрі қорқынышты. Ал енді оның шар тәрізді түрі жөнінде де үрейлі әңгімелер аз емес. Табиғаттың бұл ғаламатын көрген адамдардың әңгімесіне қарағанда, шар тәрізді найзағайдың үлкендігі кейде футбол добындай, ал кейде одан да көлемді болады. Ол ауада мейлінше баяу қозғалады. Оны ешбір құралсыз-ақ көре аласыз. Кейде жарқыраған мұндай шар бір орында мүлде тоқтап тұрғандай болады, ал белгілі бір бөгетке кезіккенде көбінесе әр түрлі жарылыстар тудырып, өзгеріске түседі. Кей жағдайда шар тәрізді найзағай тырс етіп барып, өзінен-өзі жоқ болып кетеді екен.