Армандар аңсаған орындалса, 

Айналаң қызғалдақ гүлге толса,

Өмірдің қызығы сол емес пе -

Жаныңда сүйетін сұлу болса.

Адамдар жамандық жасамаса, 

Жаныңа қас емес досың толса,

Өмірдің қызығы сол емес пе -

Сөзімді түсінер жүрек болса.

Аспанда нұрлы күн болып,

Жалғызға жүрегің жылып тұрса,

Өмірдің қызығы сол емес пе -

Береке, ынтымақ, бірлік болса?!

Ақ, адал көңілдер аспандаса,

Адамдар қара жер жастанбаса,

Өмірдің қызығы сол емес пе -

Бейкүнә жанардан жас тамбаса.