Бүгін қазақтан шыққан тұңғыш заң ғылымдарының докторы, академик, ғалым, профессор Салық Зимановтың туғанына 100 жыл толды, деп хабарлайды Oinet.kz тілшісі.

⠀

Салық Зиманов - қолына қағаз бен қалам ұстаған ғалым ғана емес, сонымен қатар қолына қару ұстап, елі үшін соғысқан жауынгер батыр. Заң саласына өлшеусіз үлес қосқан Салық Зиманов бар ғұмырын ел мен жер мүддесіне арнады. Бүгінде академиктің зерттеулері Қазақстан мен Орта Азия республикаларында саяси тарих пен саяси-құқықтық ғылымға қосқан қомақты үлесі ретінде бағаланып отыр. Ол мыңдаған білікті заңгер мен ғылым кандидатын, докторларды дайындап шығарды. 200-ден астам ғылыми жұмыстың авторы.