Асқар Сүлейменнің дүрілдеп аты шыққан кез екен. Саф алтынға бергісіз жауһар дүниелерін оқып тамсанған Әбу Сәрсенбай ағамыз жүздесу үшін үйіне іздеп барса, Асекең үйінде жоқ екен. Қарт анасы үйінде екен. Әбу ағамыз "Асқардай ұл туған ананың бетінен бір сүйіп қояйын! "-деп ұмтыла берсе, текті ана " Тоқта"депті  әмірлі дауыспен. "Мына бетті бір ғана  адам сүйген, оны енді екінші біреу сүймек емес"- деп, тоқтатып тастапты.                                        

Алғашында ренжіп қалған Әбу ағамыз терең ойлап, мәселенің байыбына барған соң, Асқарға былай деген екен" Сенің қайдан шыққан мықты екеніңді  енді түсіндім. Гәптің бәрі Анаңда екен".