Ләйлә Сұлтанқызы: «Анам 4 бала тудым деп өкіметке шағымданбады»

Screenshot_5.jpg

Жақында әлеуметтік желілерде "мен ояндым" хэштегімен видеолар тарады. Аталған видеода бір топ жастар Қазақстандағы әлеуметтік кемшіліктерді айтады. Кемшіліктер ішінде "Қазақстанда 30 жасқа дейін пәтер алу мүмкін емес" деген пункт бар. Бұл пунктпен танымал тележүргізуші Ләйлә Сұлтанқызы келіспейтін сыңайда пост жазды. Ол 30 жасқа дейін пәтер алуға болатынын өзінің Инстаграм парақшасында хабарлады. 

"Мен қалай 27 жасымда Хрущевкадан 3 бөлмелі пәтер алдым?! 16 жасымда Алматыға оқуға түсуге келгенде бірінші арманымыз бөлме жалдап тұру болатын. Жатақханадан орын алу кәдімгідей қиын еді. Көп балалы, жағдайы нашар отбасы мен әлеуметтік әлсіз топқа жататындарға бірінші берілетін. Сөйтіп не жатақханадан орын бұйырмады, не пәтер жалдауға ақша жоқ, амал жоқ бөлме жалдадым. Араққұмар баласы бар қарияның ескі 2 бөлмелі пәтерінің 1 бөлмесін жалдадым.

Тараканмен төбелесіп оянасың, туалетіне противогазбен кіресің, холодильникке қойған тамағың жейтін кезде жоқ болады. Жаңарту деген атымен жоқ, әкеңнің ай сайын жіберетін көмегі 1 қап картоп. Мен семірмей кім семіреді, бірақ жылтырағы төгілетін Jado-ның алқызыл, көк бояуын көзге өлтіріп жағуды ұмытпайсың.

2-курста $50 (шамамен 7 мың теңге) айлық жалақысы бар жарты мөлшерлемеде радиоға жаңалықтар дикторы боп жұмысқа кірдім. Сонымен, айлық кіріс 1996-1998 жылдар аралығында 10 мың теңгеге жетті.

"Ол кезде қайта құрудан кейінгі кезең, ала қап арқалап әке-шешем қаңғып ол жүр. Базарда нан, семішке сатады. Тапқан 200 теңгеге бәрімізді асырауға тырысады. Мен 4 бала тудым деп өкіметке шағымданбады.

Содан 1998 жылдан бастап қосымша той жүргізгенім үшін $100 алатын болдым, айында жылында, соған мәзбін. Бірақ не пәтерге, не көлікке жетпейді. Сол жылдан бастап ТВ-ға сюжеттер жасаймын, радиода dj -мін, айлығым 50 мың теңгеге жетті. Жалдамалы бөлмеден 1 бөлмелі пәтерге ауыстым.

2003 жылға дейін тойым бар, айлығым бар, ақылы сценарий жазатыным бар, 5 жылда $7500 жинап, Хрущевкадан 3 бөлмелі пәтерге бауырым екеуміз қол жеткіздік. Әбден пәтерден пәтер жалдағаннан шаршағандықтан болар 47 шаршы метрлік пәтер сарай болып көрінетін. Менен бақытты адам болмайтын. Тіл де үйрендік, 2-3 жерде жұмыс істедік, ұйықтамай түнімен монтажда отыратынбыз.

"Енді келіп 30-да пәтер ала алмаймын деу бос әңгіме. Айналайындар-ау, қазір мүмкіндік көп, шекара ашық, қорқыныш жоқ, тіл білсең, көзін тапсаң, 4 жерде жұмыс істеуіңе болады, отырып алып өкіметті кінәлап, елдің басына жуынды құйып коммент жазуға уақыт тапсаң, еш уақытта пәтер алмайсың, өзіңе көңілің толмаған күйі өмірің өте береді. Ешкімге ренжіме, әрекет ет", - деп ойын қорытындылады.

Мүмкін сізді қызықтыратын тақырыптар:

  • Уақыт машинасы жасалса, не істейсіз?
  • Ресейде Google-ді қолдануға тыйым салынады
  • Терроризм – ХХІ ғасырлық ғаламдық проблема
  • Тарихи жәдігерлер ұрпаққа аманат
  • Балалар Түркістан аспанын әнге бөледі