«Қайрат» пен «Реал Мадрид» арасындағы матчтың билеттері 20 қыркүйек күні сатылымға шығады, деп хабарлайды Oinet.kz тілшісі.

ҚР Туризм және спорт вице-министрі Серік Жарасбаев «Қайрат» ФК-мен тікелей келіссөздер жүргізіп жатқанын мәлімдеді.

«Біздің деректеріміз бойынша, ойынға 10 күн қалғанда сатылым басталады. Егер матч 30-ы күні өтсе, шамамен 20 қыркүйек болады. Айта кетейін, тек ресми дереккөздерге сеніңіздер. Билеттерді тек «Қайрат» клубының сайтынан немесе оның әлеуметтік желілердегі ресми аккаунттарынан сатып алуға болады», – деді Серік Жарасбаев. 

Айта кетейік, биыл «Қайрат» шотландиялық «Селтик» командасын пенальти сериясынан жеңіп, Чемпиондар лигасына топтық кезеңіне шыққан болатын. Ал жеребе тарту кезінде испаниялық «Реал Мадрид» клубымен иық тіресетіні мәлім болған еді.