Париж Олимпиадасында дзюдо чемпионы атанған Елдос Сметов, алдағы жоспарларымен бөлісті, деп хабарлайды Oinet.kz тілшісі.

Спортшының ендігі кезекте Лос-Анджелестегі Олимпиада ойындарында топ жаруды мақсат етіп отырғанын айтты.

“Қазіргі мақсатым екі дүркін олимпиада чемпионы болу. Мен үш Олимпиадаға қатысып, барлық медаль түрін жеңіп алдым. Бірақ Қазақстан тарихында екі рет Олимпиадада жеңіске жеткен спортшы болған емес. Мен тарих жасағым келеді”, – деді Елдос Сметов.

Айта кетейік, Елдос Сметов 2024 жылы Париж Олимпадасының ақтық сынында жергілікті балуан Луке Мхеидзені Франция Президенті Макронның алдында тізе бүктірген еді.