Мемлекеттің әлеуметін арттыруға кәсіпкерлік саласының қосар үлесі зор. Әрбір азамат мемлекетке алақан жаймай, өз несібесін тауып, өзгелерді де жұмыспен қамтитындар саны артса мемлекет гүлденеді. Кәсіпкерліктің түрі көп. Соның бірі - мейрамхана ісі. Мейрамхана саласында қаржы айналымы мол десек болады.

Осы орайда Түркістандағы мейрамханалар қызметі нарықтық экономикаға көшкеннен бастап белгілі өзгерістерге ие болды. Халықтың әлеуметтік жағдайы жоғарылаған сайын әлеуметтік-мәдени және мәдени демалатын орындарға сұраныс та арта түсті (кафе, мейрамхана, клубтар). Қоғамдық тамақтану нарығында ұсынылатын өнім, қызмет, олардың бағасы, бәсекелестігі тұтынушылар сегментіне байланысты икемделді. Солардың бірі Кувшин мейрамханасы. Мейрамхана өз қонақтарына ерекше ұлгідегі ас мәзірі мен қызмет түрлерін ұсынады. Мейрамхана жылдам қызмет көрсететін ұлттық мейрамханалар түріне жататындықтан болар мұнда келуші қонақтар үзілген емес. Оның үстіне болашақта мейрамхана мемлекет қолдауымен белсенді түрде дамуды да көздеп отыр.

Кувшин, сонымен қатар, өз қонақтарына дәмді тағамдар, сыпайы қызмет көрсету және тамаша атмосфера ғана емес, сонымен қатар банкет залын жалға алу сияқты қызмет ұсынады. Мейрамханадағы жайлылықтың жоғары деңгейі де оның тұтынушыларының көбеюіне ықпал етеді.

Отандық қоғамдық тамақтандыру орындарының құрылымы еуропалық елдермен салыстырғанда өзгеше, мысалы, Францияда жалпы қоғамдық тамақтандыру орындарының көлемі 41% (мейрамхана), Норвегия 38%, Германия 28%, Қазақстанда 4,5%. Болашақта осы пайыздың артуына Түркістан қаласы да өз үлесін қосады деген үміт бар.