Мемлекет басшысының тапсырмасымен Мәжіліс спикері Ерлан Қошанов Ұлыбритания және Солтүстік Ирландия Біріккен Корольдігінің Королі ІІІ Чарльз бен Королева-консорт Камилланың таққа отыру рәсіміне қатысты. Бұл туралы  Мәжілістің баспасөз қызметі хабарлады.

Салтанатты іс-шара Лондондағы Вестминстер аббаттығында өтті. Ерлан Қошанов британ монархына Президент Қасым-Жомарт Тоқаевтың құттықтауын жеткізді. 5 мамырда Мәжіліс спикері Ұлыбританияның Сыртқы істер министрі Джеймс Клеверлимен және Мемлекеттік инвестициялар министрі лорд Доминик Джонсонмен кездесті. Айта кету керек, Д. Джонсон екі елдің сауда-экономикалық, ғылыми-техникалық және мәдени ынтымақтастық жөніндегі қазақстандық-британ үкіметаралық комиссиясының тең төрағасы болды. Сапар барысында екіжақты қарым-қатынастар, сондай-ақ халықаралық және өңірлік саясат мәселелері талқыланды. Сондай-ақ, Лондонда Британ-Қазақ қоғамының төрағасы лауазымында елдеріміз арасындағы достық байланыстарды он жылдан астам белсенді дамытып келе жатқан Руперт Гудман мырзамен кездесу өтті.

Президент Тоқаев Ұлыбританияда өткен монархты таққа отырғызу рәсіміне басқаны емес, неге дәл Ерлан Қошановты жіберді? Мұның арғы жағында біраз гәп бар сияқты.