Өткен жұмада Ақорда резиденциясында Мемлекет басшысының атынан берілген ауызашарға мемлекет және қоғам қайраткерлері, ғалымдар, дәрігерлер, мұғалімдер, этномәдени бірлестіктердің өкілдері, дипломатиялық өкілдіктердің басшылары, мәдениет қайраткерлері, құтқарушылар, еңбек адамдары қатысты.

Жиында Қасым-Жомарт Тоқаев  бір жылдың ішінде еліміздің қоғамдық-саяси өмірінде болған айтулы оқиғаларға арнайы тоқталды. Осы күні барлық өңірлерде президенттің атынан ауызашар берілді. 

Сонымен бірге әлеуметтік желіде Қырғызстан, Өзбекстан президенттерінің берген ауызашары қызу талқыланып жатыр. 

7 сәуірде Қырғызстан президенті Садыр Жапаров мешітке барып намаз оқыған, осыдан кейін Алла үйіне келген жамағатқа арнап ауызашар берген. 

31 наурызда Өзбекстан президенті Шавкаат Мирзияев Қарақалпақстанға ресми сапармен барды. Сапар барысында ол Нүкісте жергілікті мұғалімнің үйіне барып, оның отбасымен бірге ауызашар берген.