"Егер туыстарымның бірі заңды бұзу үшін менің атымды жамылса, онда олар тиісті жазаға тартылуы керек", деді Елбасы. Бұл туралы ол саясаттанушы Данияр Әшімбаевқа телефон арқылы берген сұхбатында айтты.

Ол күйеу баласы Рахат Әлиевке қатысты оқиғаны еске алды.

"Ол менің қызымның күйеуі болды. Ұлым сияқты еді, жиендерімнің әкесі болды. Бірақ соған қарамастан мемлекет оның заңға қайшы әрекеттеріне көз жұмып қараған жоқ. Қазақстан соты оны соттады. Бірақ ол қашып үлгерді, өмір бойы жасырынуға мәжбүр болды. Адам қызығарлық тағдыр емес", - дейді Назарбаев.