Қазақстанда әлеуметтік қызметкерлерге психоэмоционалдық және физикалық жүктеме үшін қосымша ақы төлеу ұсынылып отыр, деп хабарлайды OINET.KZ сайтының тілшісі sputniknews.kz сайтына сілтеме жасап.

Стационарлық және жартылай стационарлық типтегі медициналық-әлеуметтік мекемелерде (паллиативті көмек бөлімшелерін қоспағанда) қосымша ақы басқарушы персоналға – лауазымдық еңбекақының 30%-і, негізгі персонал қызметкерлеріне (әлеуметтік қызметкерлерді қоспағанда) – 35%, әлеуметтік қызметкерлерге – 40%, санитарларға – 40%.

Стационарлық және жартылай стационарлық типтегі медициналық-әлеуметтік мекемелердің паллиативті көмек бөлімшелерінде тәрбиешілерге, барлық мамандықтағы медбикелерге, санитарларға – 60%.

Сондай-ақ, уақытша болу, үйде қызмет көрсету ұйымдарындағы қызметкерлерге басқарушы персонал –15%,негізгі персонал қызметкерлеріне (әлеуметтік қызметкерлерді қоспағанда) –20, әлеуметтік қызметкерлерге – 35%, санитарларға – 20%.

Жоба "Ашық НҚА" порталында 28 қазанға дейін қоғамдық талқылауға шығарылған. Негіздемесінде әлуметтік қызмет көрсету жүйесінде білікті кадрлардың жетіспейтіні жазылған. Бұл жұмыс қарқындылығына сәйкес келмейтін төмен жалақымен байланысты болып отыр.