Бүгін Шымкент қаласы мәслихатының кезектен тыс елу бесінші сессиясы өтіп, Шымкент қаласы Абай ауданының жаңа әкімі тағайындалды. Жаңа лауазымға тағайындалған Ғалымжан Әнуарұлы 1983 жылы бұрынғы ОҚО Ленин ауданында туған.

- 2005 жылы Қ.А.Ясауи атындағы Халықаралық қазақ-түрік университетін экномист, 2016 жылы Аймақтық әлеуметтік-инновациялық университетін құқық бакалавры мамандығы бойынша бітірген.

- Еңбек жолын 2006 жылы Қазығұрт аудандық ішкі саясат бөлімінің жетекші маманы ретінде бастаған.

- 2006-2012 жылдар аралығында Қазығұрт аудандық экономика және бюджетті жоспарлау бөлімінің бас маманы;

- ОҚО қаржы департаменті денсаулық сақтауды және әлеуметтік қорғауды қаржыландыру бөлімінің бас маманы;

- ОҚО қаржы департаменті бюджеттің атқарылуын үйлестіру және талдау бөлімінің бас маманы;

- ОҚО әкімі аппаратының экономикалық талдау, мемлекеттік қызмет көрсету мониторингі және ақпаратттық технологиялар бөлімінің бас маманы;

- ОҚО әкімі аппаратының экономикалық талдау;

- ОҚО әкімі аппаратының экономикалық талдау, бюджет және мемлекттік сатып алу мониторингі бөлімінің меңгерушісі;

- 2012 жылдың мамыр айынан бастап ОҚО Қазығұрт ауданы әкімінің орынбасары лауазымын;

- 2017 жылдан осы уақытқа дейін Төлеби ауданы әкімінің орынбасары қызметін атқарған.

Абай ауданының экс-әкімі Бұхарбай Парманов 2016 жылдың тамыз айынан 2018 жылдың шілде айына дейін Төлеби ауданының әкімі қызметін атқарғаны белгілі. Демек Бұхарбай Пармановтың орны өзінің бұрынғы орынбасарына бұйырды.