27 жастағы қызды зорлады деген күдікке ілінген Талдықорған полиция бөлімінің бастығы қамауға алынды. Бұл туралы Stan.kz ақпарат агенттігі хабарлайды. 

Жетісу облыстық сотының баспасөз қызметі күдіктіні 2 айға қамауға алынғанын мәлімдеді.

"Талдықорған қаласының мамандандырылған тергеу сотының 2023 жылғы 14 қарашадағы шешімімен күдікті К.-ға қатысты 2 ай мерзімге "қамау" бұлтартпау шарасын санкциялау туралы өтінішхатты сот шешімі қанағаттандырды", - делінген хабарламада.

Қаулы заңды күшіне енген жоқ.

Еске салсақ, Талдықорған қалалық полиция бөлімінің бастығы Марат Күштібаев қыз зорлады деп күдікке ілінгенін хабарлаған едік. Кабинетінде "Сендей әдемі қызға протокол толтыртқызбаймын" деп қызды жыныстық қарым-қатынасқа мәжбүрлеп, тиісе бастағаны туралы жәбірленушінің адвокаты айтып берген еді.