2019 жылдың 16 шілдесінде ҚР Мемлекеттік қызмет істері агенттігінің Түркістан облысы бойынша Департаментінің басшысы, Әдеп жөніндегі кеңес төрағасы Ғ.Тұрсынбаев брифинг өткізді.

Брифингтің күн тәртібінде Департаменттің Мемлекеттік қызмет басқармасының ағымдағы жылдың 6 айында атқарылған жұмыстарының барысына, сондай-ақ ҚР Президенті жанындағы мемлекеттік басқару академиясының өңірдегі филиалы мен тест орталығының жұмыстары кеңінен айтылды.

Баспасөз конференциясында мемлекеттік қызметшілердің статистикалық ақпараттары да қоса ұсынылды.

Атап айтқанда:

Облыстағы мемлекеттік қызметшілердің жалпы штаттық саны – 7155, олардың ішіндегі нақты саны – 6668, ал бос лауазымдар саны – 487 бірлік.

Сонымен қатар, мемлекеттік қызметшілердің орташа жасы – 38,2 жасты, орташа еңбек өтілі – 9,6 жылды құраған.

Жоғары білімі бар мемлекеттік қызметшілер – 93,5%.

Мемлекеттік қызметшілердің 73,1%-ы ер, ал 26,9%-ы әйел.

Таза ауысымдылық деңгейі 2,2%-ға жеткен, ал меритократия 67,2% - ға артқан.

Сондай - ақ, баспасөз жиынында Ғ.Тұрсынбаев есептік кезеңде 1358 бос мемлекеттік әкімшілік лауазымға конкурс жарияланғанын және ішкі конкурстар нәтижесінде 242 мемлекеттік қызметші төменгі лауазымдардан жоғары лауазымдарға тағайындалып (ЖАО – 153, АО - 89), мансаптық өсу көрсеткіші 67,2% -ды құрағандығын атап өтті.

Брифинг соңында мемлекеттік қызмет аясында журналистер тарапынан бірқатар сұрақтар қойылып, оларға нақты жауаптар берілді.