Алматы облысындағы Талғар қаласының әкімін халық өзі сайлады. Сайлауда 47,71% дауысқа ие болған Бақыт Күрішбеков жеңіске жетті, деп хабарлайды Stan.kz ақпарат агенттігі.

Талғар аудандық сайлау комиссиясының мәліметі бойынша, барлық сайлаушылардың 23,77% сайлауға келді. Талғар қаласы әкімінің лауазымына 4 үміткер сайлауға түсті.

Ақботаев Бақытжан Рақымұлы сайлау қорытындысы бойынша 23,63% дауыс жинады, Даулетбақов Нұрбек Бақытқанұлын халықтың 17,84% қолдаған. Назарбаев Сапарбек Мұхтарұлы 7,70% дауыс жинады. Барлығына қарсы 218 сайлаушы болса, бүлінген және дұрыс қолданбаған бланктар саны 93 болды.

Қала әкіміне кандидат болған Сапарбек Назарбаев тұңғыш президентпен тегінен басқа ортақ ештеңе байланыстырмайтынын  айтты. 

Ол қала басшысы болып сайлауға ұсынылғаннан кейін әлеуметтік желі арқылы көпшіліктің реакциясын қадағалап отырғанын мойындады. Бұл ретте ол желідегі адамдардың Назарбаев туралы жазғандары көңіліне тигенін айтады. 

"Тұрғындардың жазған пікірлеріне қапалымын. Біз Тұңғыш Президенттің еліміз үшін жасаған еңбегін қалайша тез ұмытып кеттік. Әрине, бәрі керемет болды деп айтпаймын, бірақ жалпылай алғанда Қазақстан дамыды", - дейді ол.

Тұрғындар Талғар қаласының әкімі етіп сайлаған Қайрат Исабаев қызметінен кетті

Талғар ауданы әкімінің орынбасарына қатысты қызметтік тергеу басталды

Назарбаев Қазақстан экономикасы әлемдегі ең жылдам дамыған экономиканың бірі болғанын атап өтті.