Алматыдағы көпқабатты тұрғын үйден секіріп өлген Бақтыгүл Қыдырбаева перзенттерімен жер қойнына тапсырылды. 4 адамның жаназасы Түркістан облысы, Қазығұрт ауданы, Үлгілі ауылындағы әйелдің келін болып түскен шаңырағынан шығарылды, деп хабарлайды Oinet.kz сайты Express Qazaqstan-ға сілтеме жасап.

Бақтыгүл мен 3 перзенттің жаназасы бүгін түске таман келін болып түскен шаңырақтан шығарылды. Жерлеу рәсіміне ауыл имамы келіп жаназа намазын оқыды.

Әйелдің күйеуіне, туған-туыстарына жақындау мүмкін болмады. Қара жамылған үйдің кіре берісінде полицейлер күзетке тұрған.

Жаназаға келген жұрттың қарасы көп. Қаза болған әйел мен 3 баласы Үлгілі ауылы маңындағы бейітке жерленді.