Мәжіліс депутаты Айқын Қоңыров елдің мемлекеттік органдары қабылдап жатқан ұлттық жобалардың бірқатар кемшіліктері бар екенін айтты.

Депутаттың айтуынша, ұлттық жобалардың негізгі міндеті – өткен мемлекеттік бағдарламалардың созылмалы проблемаларын, соның ішінде тиімділік пен нәтижеге жауапкершілікті бағалаудың болмауын, нысаналы индикаторлардың дұрыс еместігін жою.

— Ұлттық жобалармен мемлекеттік аппараттың жұмысын өзгертуде үлкен үміт бар. БАҚ-та кеңінен насихаттау жұмыстары жүргізеді. Алайда, мемлекеттік бағдарламалардың проблемалық екенін мойындаудың оң сәттерімен қатар, ұлттық жобаларда бірқатар үлкен және шағын проблемалар бар екенін көріп отырмыз, — деді мәжіліс депутаты.

Ұлттық жобалардың басты кемшіліктерінің бірі ретінде ол қазақстандықтардың жобалардың мәнін түсінбейтінін атап өтті. Сондай-ақ, Коңыров министрліктердің алдымен ақшаны не үшін жұмсау туралы жоспар құрғанын, содан кейін ғана мұның бәрін қалай және не үшін жасау керектігі туралы көзқарас қалыптастырғанын атап өтті.

Мәжіліс депутаты сондай-ақ ұлттық жобалардың бірқатар нормаларының дайын еместігін және толық игерілмегенін атап өтті.