Белгілі заңгер әрі блогер Айгүл Орынбек ел алдында жүрген өнер адамдарының әрекетін сынға алды. Бұл туралы ол Facebook парақшасында жазды.

- Білмей қалу заң алдында жауапкершіліктен босатпайды! Әншілер жаппай ломбард24, индиго, лотерея ойнатады, халық алданып қарызға батады, жарнама жасап ақша тапқан жұлдыздар “ білмей қалдық , кешіріңіздер “, деп құтылып кетеді.

Әзілкеш қызын  оқуға түсіру үшін орнына басқа қызды кіргізеді, оны да білмей қалып жауапкершіліктен құтылады. Ал кірген жас қыз соңында бәріне кінәлі болып шығады.

Өнер адамдары мемлекеттік қызметке келеді, артынан жемқорлыққа қарсы шу шығады. Оны да “білмей қалдым, мен шығармашылық адамымын ғой “,деп жәй жылы жауып қоя салады. Ел алдыңда жүрген соң халыққа бір дүниені жарнамаламас бұрын 1000 рет ойлан!

“Білмей қалдым” деп халықты тығырыққа тығудың қажеті жоқ! Мемлекеттік қызметке келдің бе? Халықтың қаржысын миллион рет ойланып жарат. Мемлекеттік орда, сенің бір күн келіп ән салып, сауық сайран құрып кететін ордаң емес! Жалпы ел алдында жүрген жұлдыздар әрбір қадамдарыңды ойланып жасаңдар! Халықты әдемі сөйлеп алдауды тоқтатыңдар! Халықта ел алдында жүр ғой деп жалпақтап астарына көпшік қоюды тоқтату керек.

Заңды бұзып, халықты алдадыма, заңмен жауап беру керек!

Заң алдында жұлдыз деген статус жоқ бәріміз теңбіз! - деп жазды ол.