Бүгін «Парасат» пікірталас клубының кезекті отырысы өтті.

Жиынды «Қазақ тілі» қоғамының Сайрам аудандық филиалының төрағасы Мұрат Есалиев жүргізіп, қатысушылар аудандағы көкейкесті мәселелерді талқыға салды.

Атап айтсақ, клуб мүшелері сапалы ауыз су, табиғи газ, тазалық және электр энергиясымен қамту жөніндегі мәселелерді қолға алу жөнінде ойларын ашып айтты.

Ашық алаңдағы пікірталасқа аудан әкімі Ұласбек Садибеков қатысып, зиялы қауым мен қоғам белсенділері тарапынан айтылған пікір мен ұсыныстардың маңызы зор екенін атап өтті.

– Аудандағы күйіп тұрған мәселені анықтап, қоғам болып зерделеп, оның жүзеге асуын жүйелеп отырудың біз үшін маңызы зор. Бүгінгі пікірталаста айтылған түрлі ұсыныстар ауыл-ауылдағы мәселелерді шешуге көмек болады деп сенемін, – деді аудан әкімі.