Түркіменстан президенті Гүрбангұлы Бердімұхамедов демалыста балық аулап, жетімдерге сыйға тартты. Бұл туралы Stan.kz ақпарат агенттігіне сілтеме жасаған Oinet.kz сайты хабарлайды.

Бердімұхамедов әдеттегідей көлге балық аулауға барған. Ол қармағына түскен олжаның бәрін жетім балалар Сарайының (Döwletliler köşgi) тәрбиеленушілеріне Копетдаг тауының етегіне жіберді.

Түркімендік телевидение кадрларында президент қорғаныс маскасын тағып, қолғап кигені көрсетілген. Бірақ ресми деректер бойынша елде коронавирус жұқтырған бір де бір адам тіркелмеген. Жергілікті басылымдар президент аулаған балық көп адамға түгел жеткенін жазды.