Бимен халықтың көңілін көтермекші болған әкім жазаланды

Oinet.kz 16-06-2020

Қарағанды облысы Жәйрем ауылының әкімі карантин мен өзін-өзі оқшаулау кезінде ұжыммен бірге би билеп, оны видеоға түсіріп, әлеуметтік желілер мен WhatsApp мобильді қосымшасы арқылы халыққа таратқан. Нәтижесінде шенеунікке қызметіне толық сай емес деген сөгіс жарияланған, деп хабарлайды Oinet.kz тілшісі

image.png

Тұрғындар ұжыммен бірге би билеген ауыл әкімінің іс-әрекетін бағаламай, жоғары тұрған әкімдікке жүгінген. Олар тексеру жүргізіп, әкім карантиндік шараларды бұзғанын анықтаған. Ол ғимаратқа адамдарды жинап, коронавирус пандемиясы кезінде жаппай би ұйымдастырған. Олар сондай-ақ маска мен қолғапсыз болған және арақашықтықты сақтамаған. Бұған қатысты пікір білдірген Қаражал қаласының әкімдігінің хабарлауынша, шенеунік қызметіне толық сәйкес емес деген сөгіс алған. Ауылдың ойын-сауық орталығының директоры Ақмарал Иманбекованы да жаза күтіп тұр, ол да маскасыз би билеп, арақашықтықты сақтамаған. Сондай-ақ, әкімді жазалау туралы бұйрыққа Қаражал қаласының әкімі қол қойған. Ал ауыл басшысы өз әрекетін басқалардың көңіл-күйін осылай көтеруге тырысқанымен түсіндірген. 

Коронавирус жұқтырған Елжан Біртановтың жағдайы белгілі болды
«16 бала пышақтаған» - мектеп оқушысы қаза болды


Сәйкес тақырыптар
Көтерілу
×