Қарапайым халық үшін белгілі қазақстандық шенеуніктердің балалары қалай өмір сүретіндігі әрдайым қызық болып келеді. Ендеше танымал шенеуніктердің балаларының өміріне тоқталып өтсек. 

Бірінші, Алматы қаласының әкімі Бақытжан Сағынтаевтың үлкен қызы Меруерт Ибрагим туралы мәліметтерді ұсынамыз. 33 жастағы Мерует Ибрагим Qazaq banki-нің акционері Бақыт Ибрагимнің әйелі. Беделді шенеуніктің қызы қазақстандық Buro24 / 7.kz  сән порталының негізін қалаушы. Бақытжан Сағынтаевтың қызы үшін сән әлемі жай ғана хобби емес, оның сүйікті ісіне айналған. Ол бір сұхбатында "Мен бүкіл әлемге әдемі Алматыны және мұнда да мықты дизайнерлер мен стилистердің бар екенін көрсеткім келеді. Бұл мен үшін үлкен патриоттық жоба" - дейді Меруерт Ибрагим. Оның бұл сөзінен өз ісіне деген махаббатты және нағыз іскер әйел екендігін аңғаруға болады. 

Келесі кезекте, Қазақстан Республикасы Парламенті Сенатының Төрағасы Қайрат Мәмидің қызы Айнұр Мәмидің өміржолына тоқталсақ. Айнұр Мәми - Мәми Қайрат Әбдразақұлының ең үлкен қызы. Ол 1979 жылы дүниеге келген. Айнұр Мәми қазақстандық танымал бизнес-леди. Ол бірнеше компаниялардың акционері әрі басқарушысы. Сонымен қатар, ол қайырымдылықпен айналысқанды ұнатады. Жеке өміріне тоқталсақ: Ол «ҚазАтомӨнеркәсіптің» төрағасы Асқар Жұмағалиевтің жары. Олардың екі балалары бар.