Ақтөбе "Чайка" балалар туберкулез санаторийінің тәрбиешілері баланы сүлгімен ұрып-соғып, қорлық көрсеткен. Тәрбиешілер жұмыстан босатылады, деп хабарлайды тілшісі Tengrinews.kz-ке сілтеме берген Oinet.kz.

Қазірде "Чайка" шипажайында болған оқиғаны тексеретін арнайы комиссия құрылды.

"Іс материалдары құқық қорғау органдарына берілетін болады. Оқиға жексенбі, 1 наурыз күні ойын бөлмесінде орын алды. Балалар бейнежазбада ендігі түскі ұйқыдан оралып, теледидар көріп отырған. Баланы ұрып соққан және тағы сол бөлмеде болған 2 тәрбиеші жұмыстан босатылады. Комиссия арнайы тергеу жұмыстарын жүргізеді, оның қорытындысы бойынша мекеме әкімшілігіне қатысты шаралар қабылданады", - деп хабарлады облыс әкімінің баспасөз қызметі.

Бейнежазбадан тәрбиешінің баланы қатты сабап жатқанын көруге болады. Кадр сыртындағы балақай да оларды тәпішкемен ұратынын айтып отыр.

Видео мына сілтемеде.