Әлемдік бокс аренасының жарық жұлдызы Геннадий Головкин мен мексикалық бокс шебері Сауль Альварестің жекпе-жегін ұйымдастыру алдында тараптар арасында гонорарларды бөлуге қатысты көптеген келіспеушіліктер пайда болды, деп хабарлайды Kazinform.kz порталына сілтеме берген Oinet.kz.

IBA нұсқасы бойынша екінші жеңіл салмақтағы кәсіпқойлар арасындағы әлемнің экс-чемпионы Марат Мәзімбаевтың «Канеломен» трилогияда қаржылық жағдайды сақтап қалу Головкинге қиынға түсетіні я түспейтіні туралы өз пікірін білдірген. 

- Негізінде бәрі «Канелоның» қолында, сондықтан Гена бұл айқастың өтуі үшін оның талаптарына келісуге мәжбүр болады. Әрине, Головкиннің жеке мүдделері де бар, бірақ келісімге келу шартын Альварес ұсынатын болады. Ең бастысы – жекпе-жектің өтуі. Головкин келісімшарт бойынша өзіне бөлінген ақшаны алады. Менің ойымша, бұл – айтарлықтай сома, — деп сөзін түйіндеді сарапшы.