Биыл елімізде азаматтар жаңа жеңіл көліктерді алуға 451,2 млрд теңге жұмсаған. Және 9 айда ресми дилерлер 50 мыңға тарта автокөлік сатты, деп хабарлайды OINET.KZ сайтының тілшісі inform.kz сайтына сілтеме жасап.

«Қаңтар-қыркүйек аралығында ресми дилерлер 49 243 көлікті сатты, бұл бір жыл бұрынғы көрсеткіштен 18,3 пайызға жоғары. Есепті кезеңде қазақстандықтар жаңа жеңіл көліктерді алуға 451,2 млрд теңге жұмсап, 2018 жылғы деңгейден 27,1 пайызға артық болды», - делінген таратылған мәліметте.

9 айда сатылған 21 448 автомобиль импортқа тиесілі болып отыр. Сонымен қатарКөлік сатып алушы 27 795 адам (56,5 пайызы) отандық зауыттардың өніміне өз таңдауын жасаған.

Елімізде сұранысы жоғары брендтердің арасында Lada көш бастап тұр. Республика аумағында ресейлік марканың 11 092 көлігі өткізілген. Ал сатылған Toyota модельдерінің саны 10 524-ті құрады. Үшінші орынға саудаланған 10 008 көлігімен Hyundai шығып отыр. Сондай-ақ бұл бестікке KIA (2 358 автокөлік) және Renault (1 821) брендтері енді.