Шымкент қалалық опера және балет театрының қызметкері, өнер майталманы Досжан Мұхтарұлы ұлттық құндылықтарды насихаттауда белсенді азаматтардың бірі. 

Ол қазақ халқының салт-дәстүрі мен әдет-ғұрпын сахна арқылы танытып, бүгінгі ұрпаққа рухани тәрбие беруді өз борышы санайды. Оның айтуынша, кез келген ұлттың болмысын тану үшін алдымен оның мәдениеті мен дәстүріне үңілу керек. Қазақ халқының қалыптасқан ұлттық болмысы  ғасырлар бойы сұрыпталған салт-сананың, тұрмыс-тіршіліктің, дүниетанымның көрінісі. 

Досжан Мұхтарұлы театр өнері арқылы халқымыздың әдет-ғұрпын жаңғыртып, көрерменге ой салуға тырысады. Оның пікірінше, ұлттық киімнен бастап, ән-күй, би, тіпті қонақ күту дәстүріне дейін  барлығы тәрбие мен тағылымның бастауы. «Біз ұлт ретінде өзіміздің кім екенімізді ұмытпауымыз керек. Театр тек көркем шығарма емес, ол  ұлт айнасы, дейді ол. Шынында да, бүгінгі таңда жастардың бойына ұлттық рух пен мәдени таным дарытуда өнердің орны ерекше. Осы бағытта Досжан Мұхтарұлы түрлі қойылымдарға қатысып, халқымыздың көнеден келе жатқан дәстүрлерін сахна тілінде сөйлетіп жүр. Бұл тек сахна емес, бұл  рухани сабақ. Досжан Мұхтарұлының айтуынша, ұлттық дәстүрді білу  ұлтқа деген құрметтің көрінісі. Әрбір жас өз шежіресін, шыққан тегін, тарихын таныса ғана тамыры терең елдің ұрпағы бола алады. «Біз ұрпақ санасына өткеннің өнегесін сіңіре алсақ, болашаққа сеніммен қарай аламыз» дейді ол. Ұлттық құндылықтар  халықтың жүрегі. Сол жүректі соқтыру үшін әркім өз саласында үлес қосуы керек. Досжан Мұхтарұлы үшін ол театр сахнасы. Осы жолда талмай еңбек етіп келе жатқан актердің арманы — қазақтың төл мәдениетін әлемге таныту, салт-дәстүрімізді ұлықтау. Ол үшін өнер  тек кәсіп емес, ұлтқа қызмет етудің бір жолы.

Сондықтан ол сахна арқылы ұлттық идеологияны жаңғыртып, ұмыт бола бастаған кейбір ғұрыптарды қайта тірілтуге күш салып жүр. Әрбір қойылымнан кейін көрерменнің ой түйіп, рухани байып шығуы  оның басты мақсаты.Өнердің көмегімен ол халқымыздың болмысын, жан-дүниесін, өмір салтын танытуға тырысады. Себебі ұлттық құндылықтар – мәңгілік тақырып. Досжан Мұхтарұлы үшін театр – тек шығармашылық алаң емес, ұлтқа қызмет етудің бір жолы. Ол әр қойылымын жүрекпен сезініп, ұлттық рең беруге тырысады. Болашақта қазақтың салт-дәстүрі тек музейде емес, өмірде, өнерде, әр қазақтың жүрегінде сақталуы керек дейді ол.

Аида ӨТЕП