Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауында еліміздің кадрлық әлеуетін біртіндеп арттыру өте маңызды екенін атап өтті.

Сонымен бірге Президентіміз әрбір мемлекеттік қызметші іс-әркетіне жауаптылықпен қарап, жоғары орындаушылық, өзіне және әріптестеріне талап қоя білу, тәртіптілік және мүлтіксіз адамгершілік қасиеттеріне ие болуы тиіс екенін ескертті. Мемлекеттік қызметшінің сыртқы мәдениеті мен ішкі дүниесінің ұштасып жатуы, әдептіліктің белгісі. Олардың моральдық-этикалық бейнесі мен кәсіби сапасына Қазақстан Республикасының мемлекеттік қызметшілерінің Әдеп кодексі жоғары талап қояды.

Әдеп нормаларын қызметшілер арасында түсіндіру бойынша Сауран ауданында ауылдық округ әкімдерінің қатысуымен басқосу өтті. Онда Сауран аудан әкімі аппараты басшысының міндетін атқарушы, аудандық әдеп жөніндегі уәкіл Серік Садибаев Әдеп кодексінің талаптарын кеңінен түсіндірді.  

- Әдеп кодексінің басты міндеті – сыбайлас жемқорлықтың алдын алуға және қызметтік әдеп нормаларын бұзушылықтардың, оның ішінде мемлекеттік қызметке кір келтіретін тәртіптік теріс қылықтардың профилактикасына бағытталған іс-шараларды әзірлеу, мемлекеттік қызметшілердің мемлекеттік әдепті сақтаудағы жауапкершілік деңгейін арттыруды қамтамасыз ету жөніндегі шараларды қабылдау, әдеп жөніндегі уәкілдердің қызметін үйлестіру мәселелері бойынша ұсынымдар мен ұсыныстар әзірлеу болып табылады. Ауылдық округ әкімдері және аудан әкімдігінің бөлім басшылары, аппарат қызметкерлері қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнамалары тұрақты сақталып келеді, - дейді Серік Садибаев.

Жыл басынан бері ауданда әдеп жөніндегі уәкілдіктің атқарған жұмыстары жоспарға сәйкес жүргізілді. Атап айтсақ,  жоспарда көрсетілген іс-шараларды орындау бойынша әкімшілік мемлекеттік қызметшілеріне Қазақстан Республикасының Заңнамаларын түсіндіру мақсатында 5 семинар өткізіліп, оның ішінде арнайы салалардан екі маман дәріс оқыса, әдеп жөніндегі уәкіл бір дәріс, сала мамандары екі дәріс оқыған болатын. Сонымен қатар Түркістан облысындағы Әдеп жөніндегі кеңесінің шешімдері мемлекеттік қызметшілерге таныстырылып, заң бұзушылықтарды болдырмау мақсатында алдын-ала түсіндірме жұмыстары жүргізілді. Баспасөз беттерінде жарияланды.

- Мемлекеттік қызметшілерді көтермелеу, оларға жұмыс бабында мотивациялық ынталандыру шаралары тұрақты түрде көрсетілуде. Мәселен, «23 маусым – Мемлекеттік қызметшілер күні» кәсіби мерекесіне орай ауданда мемлекеттік қызметке өзіндік үлесін қосып, мемлекеттік қызметшілер арасында шахмат, шашка ойындарынан жарыс ұйымдастырылып, жеңімпаздар грамоталармен марапатталды. Аудан әкімдігі бөлімдері мен ауыл әкімі аппаратының ондаған қызметкері үлкен теннис спорт түрінен Мемлекеттік қызметшілердің салауатты өмір салтын қалыптастыру, сауықтыру және спорттық іс-шараларға ақысыз негізде спортпен шұғылдануда. Жыл басынан бері өз қызметін Әдеп нормасына сай жұмыс атқара білген мемлекеттік қызметшілер Облыс және аудан әкімдерінің Құрмет грамоталарымен Алғыс хатымен марапатталды. 

Сондай-ақ әкімшілік мемлекеттік қызметшілері қызметтен тыс уақытта жалпы қабылданған моральдық-әдептілік нормаларын ұстануы, қоғамға жат мінез-құлық, оның ішінде қоғамдық орындарда адамның қадір-қасиетін және қоғамдағы адамгершілікке нұқсан келтіретін масаң күйде болу жағдайларына жол бермеуі тиіс. Аталғандардан бөлек, ұжымдардағы моральдық-психологиялық ахуалдың жай-күйін анықтау мақсатында 12 мемлекеттік қызметшінің қатысуымен 2 рет жасырын сауалнама жүргізілді. Сауалнама нәтижелеріне сәйкес мемлекеттік қызметшілердің  ұжымдарда жағымды моральдық-психологиялық ахуалдың қалыптасқанын көрсетті, - дейді Сауран аудан әкімі аппараты басшысының міндетін атқарушы, аудандық әдеп жөніндегі уәкіл Серік Садибаев. 

Сондай-ақ ол әрбір мемлекеттік қызметші азаматтармен қарым-қатынаста дұрыстық танытуға, дөрекілік, ар-намысты қорлау, әдепсіздік және дұрыс емес мінез-құлық фактілеріне жол бермеуге, өз іс-әрекеттерімен және мінез-құлықтарымен өз тарапынан сын тудырмау керектегін баса жеткізді. 

Сонымен қатар, іскерлік этикет пен қызметтік мінез-құлық ережелерін сақтауға, азаматтардың алдында өздері өкілдері болып табылатын мемлекеттік органдардың қадір-қасиеті мен беделіне нұқсан келтіретін әрекеттерге жол бермеуге шақырды.

Жиын барысында ауылдық округ әкімдері, аудан әкімдігінің бөлім басшылары Әдеп кодексінде мемлекеттік қызметтің қоғам өміріндегі рөлі, мемлекеттік қызметшілердің ұстанымдары мен қоғамның мемлекеттік қызметке, мемлекет пен оның институттарына деген сенімін сақтауға және нығайтуға ұмтылу қажеттігі туралы ойларымен бөлісті.